Emirü'l-ümerai'l-kiram kebirü'l-küberai'l-fiham zu'l-kadri ve'l-ihtiram sahibü'l-izzi ve'l-ihtişam el-muhtassu bi-mezidi inayeti'l-meliki'l-alam Cezayir Eyaleti ile Kapudanım olan Cafer dame ikbalihu ve kıdvetü'l-kuzati'l-hükamma'denü'l-fazl-ı ve'l-kelam mevlana Nakşe kadısızide fazl-ı huya tevki'-i ref'-i hümayun vasıl olacak malum ola ki asitane-i saadetimde olan Venedik balyosu dergah-ı mu'allama 'arz-u hal sunub cezire-i nakşe sakinlerinden Benito Amay namzımmi yine cezire-i mezburede hala sulh ve salaha ve ahdname-i hümayun mucebince sakin olan İsforça Kastori nam Venedik konsolosunın kayınanası Katerina namzımmi ve oğ lu Baltra ile mukaddeman ba'zı emlak hususuda da'vaları olub niçe def'a şer' ile görülüb hakk-ı mezbure Katerina'nın olduğu şer' ile sabit zahir olub mezburenin eline hüccet şer'iyye virilüb ve mucebince asitane-i saadetten dahi temessü kat virülmüşken mezbur Benito Amay her varan kadıya mezbure Katerina ve oğlu Befir Hakalini rencide ider deyü dahil ve taarruzdan hal olmayub beş altı def'a şer' ile görülüb mezbure Katerina'ya hükm olunmuşken yine merkum Benito Amay bir tarıkle istima' itdürülmek ba'bında emir almağla varub hilaf-ı şer' mezburları rencide idüb mezkure Katerina ve güygüsün elinde olan hüccet-i şer'iyye ve sair temessükat mucebince amel olunub zikr olunan emlak yine kamekah elinde olan hüccet-i şer'I ve evamir-i şerife mucebince zabt ve tasarruf itdürülüb minba'ad husus-u mezbure içün mezkur Benito Amay ve gayrileri hilaf-ı şer'-i şerif dahil itdürülmeyüb ve eğer bir tarıkla emr ibraz idüb niza' Iderse alunub kiselenüb asitane-i saadetime gönderülüb husus-u mezburu vuku'u üzere arz olunmak içün emr-i şerifim taleb olunmagın buyurdum ki mezbure Katerina ve oğulları ile mezkur Benito Amay zımminin zikr olunan emlak hususunda olan da'vaları vech-i meşruh üzere birkaç def'a şer' ile görülüb kasb olunub mezbure Katerinaya hükm olunub hüccet-i şeri'yye virilmişken yine mezbur Benito Amay kana'at itmeyüb şer'e muhalif dahl ve niza'dan hali değilse men'ü def' idüb minba'ad mezburların ellerinde olan hüccet şer'iyye ve evamir-i şerfesa sair temessükatına mugayir mezburu ve ahri dahil itfürmeyüb mezbureyi rencide ve remiye itdürmeyesüz ve eğer bir tarıkla emr ibraz idüb niza' iderse elinden alub der kise idüb mühürlenüb ve bu cihetle dahl iyledüğün vuku'u üzere yazub sa'detime gönderüb arz ve 'ilam idesüz ki sonra hakkında sadır olan emr-i şerifim ile 'amel idesüz şöyle bilesüz 'alemet-i şerife 'itimad kılasuz tahriren fi evasıt-ı Cemazi'ü l-ahir sene site 'aşara ve elf. Be makam-ı Konstantiniyye al-mahrusa